197.

Gano’n na lamang ang taranta ng ina ni Charlotte ng makita si Johnson, kanya itong nilapitan bago pa makita ito ng kanyang asawa. Baka lalo lamang lumala ang lagay nito. “Iho, ano ang ginagawa mo rito? Kung si Charlotte ang pakay mo ay wala siya rito. Magkasama sila ni Sonnie ngayon at pinagpa-planuhan ang kanilang kasal.”

Hindi naniniwala si Johnson sa narinig.

“Hindi ba nabanggit sayo ng aking anak na ikakasal na siya sa susunod na linggo? Nagpasya si Charlotte na sundin ang gusto ng kanyang ama para hindi lumagay ang lagay nito. Johnson, kung anuman ang mayro’n kayo ng anak ko ay itigil niyo na,”

Tumigas ang ekspresyon ni Johnson sa narinig. Masakit para sa kanya na marinig iyon sa sariling ina ng babaeng mahal, pero hindi ito sapat para bitiwan niya ang dalaga.

“Binigyan namin si Charlotte ng limang buwan para iharap sa amin ang nobyo niya, o lalaking mahal niya. Pero tatlong buwan pa lamang ay bumitaw na siya at sinabi sa aking asawa na magpapakasal na siya sa iba… bakit,