CHAPTER 25 - TRIPLETS

Mahigit dalawang oras ang nakalipas, lumabas si Adira sa Surgery Room. Patakbong sinalubong ni Allaric ang kambal at tinanong ito. "Adira, kamusta na ang ate mo?"

Ngumiti si Adira at tinapik-tapik ang balikat ng kuya nya. "Wag kayong mag-alala kuya. Ligtas na po si Ate at ang baby niya. By the way, congrats kuya ah, nakita ko sa ultrasound dalawa ang amniotic sac sa loob ng tiyan ni Ate. Paano ba yan, mukhang hindi na mapipigilan ang pagdami ng lahi ng mga Dela Vega. Nagmana ka talaga kay Daddy. Unang gawa pa lang, kambal na kaagad." Nakangiting saad ni Adira.

"Dami mo talagang kalokohan Adira. Sige na ayusin mo na ang VIP room sa top floor, para mailipat na ang ate mo."

"Wheee, ito naman si kuya pa humble effect pa kunyari, gustong-gusto lang naman puntahan si Ate."

Naiiritang binalingan ni Allaric ang kakambal. "Umalis ka na nga Adira, pagod ako. Wala pa akong pahinga ng ilang araw. Gusto kong magpahinga sa silid na paglipatan sa ate mo."

Hindi na kinulit pa ni Adira ang kuya niya.