Chapter 34

BAD TASTE

Bumuntong hininga na lang si Corazon nang makita kung hanggang saan lang ang inabot ng paligsahan ng dalawa. Ni hindi nga naka-one fourth ang mga ito at tumigil na dahil sa pangangati ng katawan. Kung bakit ba kasi sumugod ang mga ito sa tubuhan na naka-casual outfit lang.

"Nasaan na ba sila ngayon, Tay Delfin?" Tanong niya sa tatay ni Abbie na kagaya ni Nanay Ester, isa rin sa trabahador nila na pinagkakatiwalaan ng pamilya nila.

"Mukhang nagsitakbuhan papunta sa talon, hija," tugon nito.

Huminga siya ng malalim at inilibot ang tingin sa paligid. Sakto namang may nakita siyang kabayo na marahil isa sa mga tauhan nila ang may-ari.

"Pwede ko po bang mahiram yang kabayo, Tay Delfin Pupuntahan ko lang sila." Paalam niya sa matanda.

Kung si Terrence lang ang naroon ay hindi na sana siya mag-aaksaya ng oras para pupunta sa talon subalit kasama nito si Alexie na hindi pa sanay sa lugar. Isa pa ay baka kung anong gawin ni Terrence sa lalaki lalo pa't mukhang hindi maganda ang pak