CHAPTER 63

Humihikab ang asawa na nakaupo sa passenger side.

Nilingon n'ya at nakita n'yang nagkukusot ito ng mata.

"Are you sleepy baby?" malambing na tanong n'ya rito.

"Gusto kong matulog," sagot nito habang humihikab.

Inabot n'ya ang recliner button ng upuan nito at pinindot para bumaba ang likuran at magiging komportable ang kan'yang paghiga.

"Thanks hubby," inaantok na pasasalamat nito sa kan'ya.

Inabot n'ya ang kamay ng asawa at masuyong hinalikan habang nakatuon ang mga mata sa daan.

"I love you wife," malambing na sabi n'ya rito. Hinding-hindi s'ya magsasawa na ipaalam dito kung gaano n'ya ito kamahal.

Naging gago man s'ya dati, ngunit nagbago na s'ya simula ng maging sila ng asawa.

Nagkasala man s'ya rito, ngunit pinagsisihan n'ya na ang lahat at nangako sa sarili na hinding-hindi na uulitin pa ang pagkakamali na nagawa dati.

Wala s'yang sagot na nakuha mula sa asawa.

Nang lingunin n'ya ito, masarap na itong natutulog. Napangiti s'ya ng mapagmasdan ang mukha ni Cassy.

Wala pa ring i