Kabanata 68

"Mommy, I'll just take a nap po. Gisingin niyo na lang ako 'pag kakain na tayo," paalam niya at mabilis na tumakbo patungo sa kaniyang kwarto. Hindi man lamang niya hinintay ang aking sagot. At akala ko ba ay sa kwarto ko siya matutulog? Tsk!

"Hmm... walang bantay!" masiglang bulong ni Harley. Naramdaman ko na lang ang kamay nitong pumulupot sa aking baywang at niyakap ako patalikod.

"Harley!" inis kong kinurot ang braso nito ngunit hindi siya nagpatalo, mas lalo lamang niyang hinigpitan ang pagkakayakap sa akin.

"Daddy, I can see you!" nagulat na lang kami nang bumulaga sa aming harap na anak. Nasa pinaka-itaas ito ng hagdanan habang kami'y nasa ibaba pa.

Kinukusot pa nito ang kaniyang mga mata, halatang inaantok na.

"Akala ko ba ay matutulog ka na?" tanong ni Harley sabay buntong hininga pagkatapos. Ngunit hindi ito nagpatinag sa masamang tingin ng anak, mas lalo lamang niyang inilapit ang katawan sa akin. Naramdaman ko pa ang isang matigas