Chapter 64

Malayo pa lang, nakatanaw na sa kanila si Camila, ang kaibigan niyang fashionista. Pinay ito and a mother of two beautiful kids. Ang asawa nito ay nagtatrabaho bilang isang manager sa isang sikat na hotel sa Las Vegas, kaya maalwan ang pamumuhay nito.

Ito ang nakagaanan niya ng loob at nagpahiram sa kaniya ng maliit na apartment; isang paupahan na ito mismo ang may-ari. Kaya naman hanggang ngayon ay doon pa rin siya nakatira, bukod sa gusto niyang makatipid. Noong una, hindi siya pinagbabayad nito dahil wala pa siyang trabaho. Pero ngayon ay bumabawi siya rito.

“Katie, my dear!” Yumakap ito sa kaniya. At kapag ganoon ito, alam niyang yayayain na naman siya nitong mag-unwind.

“Yes? Saan ka na naman pupunta na kasama ako?” Gumanti siya ng yakap dito.

“Nevermind! Mamaya ko na ikwento sa iyo. Papasukin mo muna kayo sa bahay ni Liberty.” Kumalas ito sa pagkakayakap niya. “Hi, Liberty.”

Ngumiti si Liberty dito at nagbeso din. “Hello!” masayang wika nito.

Nasa ganoong eksena sila nang bigla