CHAPTER 289

ALISA:

Abala ang buong bahay ni Kuya Angelo. Magkakaroon sila ng welcome party para sa pagdating nito at pagpapasalamat na din dahil walang masamang nangyari dito, naka survive ito sa bingit ng kamatayan.

Ngayong gabi ang dating ang mga ito galing Paris. Nag-aalala ang lahat kay Angelo dahil sa nangyari dito sa Paris. Ayon kay Fred at Luke ay nabaril ito ng manliligaw ni Ate Jenna. Mabuti nalang at maayos na ang kalagayan ng kuya nya.

Hindi alam ni Angelo na may munti silang salo-salo doon, surprise iyon para sa pagbabalik ng mga ito. Halos two months din na namalagi ng mga ito sa Paris. Darating din sina Tito Marco at Tita Chat, ang mga magulang ni Angelo at Luke. Andoon din ang mga magulang ni Jenna na si Tito Daniel ay Tita Isabel. Sa wakas ay makikita nya na si Ate Jenna, siguradong uuwi din ito kasama si Angelo at ang kambal.

Alas-otso na ng gabi... andoon na ang mga kaibigan nila at iba pang bisita. Nag text na din si Luke na malapit na sila. Nag-abang ang lahat sa pagdating