Chapter 28

"Bakit aalis ka na bigla? Ang akala ko ba one month ka mag-i-stay?" tanong ni Johan kay Kayden sabay abot niya ng beer dito.

"I need to fix my own problem and you also have to fix yours," sagot ni Kayden na may ibig ipakuhulagan.

"Hindi ko alam kung paano ba kita kakausapin after what happened between me and Eunice, but I'm really sorry na napatulan ko ang dati mong girlfriend," sabi ni Johan na mayroong pagsisisi.

Nakatingin lang sa malayo si Kayden habang magkatabi silang nakaupo ni Johan sa loob ng kubo malapit sa tabing dagat para mas nakapag-usap sila ng pribado.

Huminga muna ito ng malalim bago niya sagutin ang sinabi ni Johan at inaamin niya talagang disappointed siya sa kanyang Kuya Johan na kanyang iniidolo simula pagkabata.

"I admit, nasaktan ako Kuya," pag-amin ni Kayden na halatang kinimkim ang sama ng loob.

Lumambot naman ang ekspresyon ni Johan nang madama niya ang hinanakit sa boses ng kanyang nakababatang kapatid kaya hindi na lang siya tumingin sa mukha nito dahil lab