Chapter 61

"Masama ang loob ko sa inyong dalawa ni Kuya Kayden, because you forced me to study abroad even though I don't want to," pag-amin ni Jana sa mga nakakatanda niyang kapatid.

"Dahil lang do'n nagawa mo kaming tiisin ng ganu'n katagal?" hindi makapaniwalang tanong ni Johan.

Napayuko na lang si Jana at sandaling nanahimik bago siya muling magsalita.

"Napilitan akong iwan ang nag-iisa kong matalik na kaibigan mula sa University dito sa Pilipinas dahil sa pagpupumilit niyong dalawa na mag-migrate ako sa New York at doon na lang mag-aral," paglilinaw na sagot ni Jana ngunit napailing lang ang dalawa.

"You're unbelievable, ang babaw ng rason mo," angil ni Kayden habang nakapamaywang sa harapan nito ngunit mariin lamang itong napapikit na tila may gusto pang sabihin.

"Alam ko Kuya, kaya ngayon humihingi ako ng tawad sa inyo, sa pagiging wala kong kwenta at kawalan ng pakialam sa inyo," tapat na paghingi ng tawad ni Jana habang nagsusumamo ang mga mata.

Napahawak na lang sa sintido sina Johan a