Mavi Pov"Tama na iyan, Mavi. Hindi ka sanay uminom kaya mabilis kang malalasing sa ginagawa mong iyan," pigil ni Lotlot sa kamay ko nang tangkain kong damputin ang baso ng alak na nasa harapan ko.Nasa loob kami ng bar ngayon dahil inaya ko siyang uminom matapos kong umalis sa bahay ni Alpha Magnus. Ni hindi ko man lang nagawang magpaala sa anak ko na aalis na ako sa bahay ng kanyang ama. Natitiyak kong iiyak siya bukas kapag nalaman niyang wala na ako roon lalo pa at hindi ako nakapagpaalam sa kanya."Ang sakit ng dibdib ko, Lolot. Galit ako. Galit na galit ako pero hindi ko magawang mailabas," sagot ko sa kanya. Marahang binayo ng aking kamay ang aking dibdib dahil pakiramdam ko ay tila nagsisikip ang aking paghinga."Ano ba ang ikinagagalit mo? Dahil pinaalis ka ni Alpha Magnus sa bahay niya o dahil mas pinaniwalaan niya si Sonia kaysa sa'yo?" tanong ni Lolot. Nasa mga mata niya ang pagdududa sa akin."Siyempre dahil pinaalis niya ako sa bahay niya ng ganoon lang," mabilis kong s
Mavi PovAgad akong napabalikwas pagmulat ko ng aking mga mata at nakitang nasa loob ako ng isang kuwarto at nakahiga sa malambot na kama. Ano ang nangyari? Bakit ako nasa loob ng isang kuwarto? Ang inaasahan kong makikita pagmulat ko ng aking mga mata ay nasa sulok ako at ginawan ng masama ng mga lalaking kumidnap sa akin. Ngunit heto, ligtas ako, intact ang damit ko at wala akong maramdaman na masakit sa katawan na katibayang hinalay ako ng mga lalaking iyon kaya natitiyak kong ligtas na ako. Pero sino naman kaya ang nagligtas sa akin? At nasaan nga pala ang kaibigan ko? Mabilis akong bumaba sa kama at patakbong lumapit sa pintuan para lumabas sa kuwartong kinaroonan ko. Hindi ko pa nahahawakan ang doorknob ay bigla nang bumukas ang pintuan at tumambad sa harapan ko ang lalaking hindi ko gustong makita."Gising ka na pala, Mavi. Nagdala ako ng almusal mo. Kumain ka—""Thanks, but no thanks," mabilis kong sagot sa seryosong mukha. Hindi ko amkakalimutan ang ginawa niyang pagpapalayas
Mavi Pov"Bye, Mavi," nakangiting paalam sa akin ng boss kong si Arthur Salvatore, ang CEO ng Salvatore Real Estate and Developer."Bye, Arthur," sagot ko naman sa kanya bago ako sumakay sa taxi na naghihintay sa akin.One week na akong nagtatrabaho bilang personal assistant ni Arthur at natutuwa ako dahil maayos siyang boss. Kasundo niya halos lahat ng mga empleyado niya at palagi siyang nakangiti. Para bang hindi makukumpleto ang araw niya kung hindi siya ngingiti. Hindi siya katulad ni Alpha Magnus na parating nakakunot ang noo, seryoso ang mukha at palaging nakasimangot na para bang magugunaw ang mundo kapag ngumiti siya kahit na isang beses man lang.Hindi mahirap ang trabaho ko dahil may secretary naman siya na siyang nag-aasikaso ng mga kailangan niya sa kompanya. Ang trabaho ko lang ay asikasuhin ang mga personal na bagay tungkol sa kanya gaya ng pagtitimpla ng kape at pagsama sa kanya sa mga personal na event na kanyang pinupuntahan. Naghahanap lang yata siya ng companion ka
Alpha Magnus PovMahigpit ang pagkakakuyom ng aking mga kamao habang nakatingin sa private room sa bar na pinasukan ni Mavi kasama ang kaibigan niyang si Lotlot at dalawang lalaki na hindi ko kilala. These past few days ay nalaman ko mula kay David na nagtatrabaho na si Mavi kay Arthur Salvatore bilang personal assistant nito. Palaging magkasama ang dalawa kaya kahit paano ay panatag ang loob ko na hindi siya basta-basta malalapitan ni Alpha Abner. Kilala ko si Arthur Salvatore dahil ilang beses ko na siyang na-meet sa mga event na pareho naming dinadaluhan. At nakikita ko na palagi siyang may mga kasamang bodyguard kaya magda-dalawang isip si Alpha Abner na ulitin ang masamang binabalak kay Mavi.Ayokong tuluyang mamuhi sa akin si Moses kapag may masamang mangyari sa kanyang ina dahil sa ginawa kong pagpapaalis sa kanya sa bahay ko. Ngayon nga ay hindi ako masyadong kinikibo ng anak ko dahil nalaman niyang wala na sa bahay ko si Mavi. Kaya kong i-handle ang mahihirap na bagay o sist
Sonia Pov"Cheers!" nakangiting sabi ko sa kaibigan kong si Lenny, itinaas ko sa ere ang hawak kong baso na may laman na red wine. Nakangiti ring ginaya naman ni Lenny ang ginawa ko bago sabay naming ininom ang red wine sa baso namin.Nasa loob kami ngayon sa aking silid sa bahay ni Alpha Magnus at maagang nagsi-celebrate sa tagumpay ng aking plano. Alam ko na nakikipag-blind date ngayon sina Mavi at Lotlot dahil malapit na kamag-anak ko si Ben at nabanggit niya ang tungkol sa blind date nila sa dalawang babae na parehong kinaiinisan namin ni Lenny. Naiinis ako kay Mavi dahil inaagaw niya sa akin si Alpha Magnus samantalang inis din si Lenny kay Lotlot dahil ex-girlfriend ito ni Alex na gusto naman ng kaibigan ko. Nang malaman ko na makikipag-blind date sina Mavi at Lotlot kay Ben at sa kaibigan nitong si Ted ay kinausap ko silang dalawa. Inalok ko sila ng malaking pera kapalit ng pakikipagtalik nila sa dalawang babaeng iyon. Malakas ang loob ko na alukin sila dahil alam ko na hindi
Mavi PovNagising ako sa loob ng isang pamilyar na kuwarto. Kung hindi ako nagkakamali ay nasa bahay ako ni Alex dahil natatandaan kong ito rin ang kuwarto kung saan ako dinala ni Alpha Magnus noong iniligtas niya kami ni Lotlot sa tatlong lalaking nagtangkang kumidnap sa amin. Naalala ko ang nangyari sa blind date namin ni Lotlot kina Ted at Ben. Hindi ko napigilan ang pag-ahon ng galit sa aking dibdib sa ginawa ni Ben sa akin. Hindi ko akalain na masama pala siyang tao. At kung hindi dumating si Alpha Magnus ay natitiyak kong nagtagumpay na siya sa maitim niyang binabalak sa akin. Ayaw ko mang mangyari ngunit nadagdagan ang utang na loob ko kay Alpha Magnus. Bumaba ako sa kama para lumabas ng silid ngunit pagtayo ko ay bigla akong nakaramdam ng pagkahilo kaya napaupo ako sa gilid ng kama. Bumukas ang pintuan ng silid at pumasok si Alpha Magnus kasunod ang kaibigan ko na patakbong lumapit at yumakap sa akin."Mavi, I'm sorry. Hindi ko ini-expect na mga walang hiya pala ang dalawang
Mavi PovTatlong beses akong pinaikot ni Lotlot sa kanyang harapan. Suot ko kasi ang evening gown na binili ni Arthur para sa akin. "You're so beautiful, my friend," humahangang pumalakpak siya. "Ikot ka pa nga ulit.""Hindi ka pa nakakasipat ng mabuti sa suot kong damit? Tatlong beses na akong umikot sa harapan mo at nahihilo na ako. Baka sa halip na party ang puntahan ko ay sa ospital ako mapunta," naiiling na biro ko sa kanya "Napakaganda mo kasi, Mavi. Bagay na bagay sa'yo ang suot mong damit na para bang ipinasadya para lamang sa'yo," hindi napigilang komento ni Lotlot.Ang totoo, maging ako ay humanga rin hindi lamang sa suot kong damit kundi pati na rin sa kinalabasan ng hitsura ko. Si Lotlot ang nag-ayos sa akin at manipis lang na makeup ang ini-apply niya sa mukha ko ngunit mas lumutang ang angkin kong kagandahan.Ang gown na suot ko naman ay nakakamangha ang design at kulay. Matingkad na red orange ang gown na para bang kulay ng lava ng sumasabog na bulkan. Malambot ang te
Mavi PovDinig na dinig ko ang malakas na pintig ng aking puso habang magkasayaw kami ni Alpha Magnus. Nangangamba ako na baka marinig niya ang malakas na pintig ng aking puso dahil sa sobrang lapit namin sa isa't isa.Hindi ko siya nagawang tanggihan dahil magiging bastos ako sa mata ng marami kapag ginawa ko iyon. At saka si Arthur na mismo ang nagsabi na pagbigyan ko si Alpha Magnus na makasayaw ako kaya wala akong choice kundi ang makipagsayaw sa kanya sa kabila ng matatalas na mga titig ni Sonia sa akin habang nakatayo ito sa isang sulok at nakatingin sa amin."You're very beautiful, Mavi," puri sa akin ni Alpha Magnus habang inaalis ang nakakatunaw nitong titig sa mukha ko."I know," maikli kong tugon. Pinilit kong huwag salubungin ang kanyang titig kahit na mahirap itong gawin dahil magkaharap lamang kami."Sinabihan ka rin ba ni Arthur na maganda ka ngayong gabi?" tanong niya sa akin. Parang may nahihimigan akong galit at selos sa kanyang boses ngunit mabilis ko rin inalis sa