Kabanata 21

Kabanata 21

"TWENTY." Nanlaki ang mga mata ni Stelle at halos mamuo ang kanyang luha nang tignan niya ang mga kumupkop sa kanya. "Nanay, twenty thousand!"

Ngumiti si Nanay Minerva at niyakap siya. "Oh, very good keeping money. See? Nanay told you if you will not buy too much you save fast."

Nangingilid ang luhang tumango-tango si Stelle. Sa wakas, nakaipon din siya ng sapat na perang gagamitin niya sa kanilang pamasahe ni Tj para pumunta ng Batanes. Tinulungan din siya ni Nico at ng mag-asawang Minerva at Anastacio para makaipon nang mas mabilis.

Dapat noong isang taon pa siya makakapunta kaya lang ay nagkasakit si Tj. Nagalaw ang ipon niyang pera para sa pagpapaospital ng kanyang anak. Nang bumagyo naman, nilipad ng hangin ang bubong ng bahay kaya nagkusa si Stelle na mag-ambag. Ayaw sanang tanggapin ng mag-asawa kaya lang ay pinilit niya ang mga ito bilang tanaw ng utang na loob sa pagkupkop sa kanila n