CHAPTER 73: REMINDER

SOPHIE’S POV

“Ano? Nakatira ka ngayon sa bahay ni Dr. Jacobs?”

Luminga-linga ako sa paligid namin saka sinabihan si Sabrina na huwag maging masyadong maingay. “Huwag kang maingay, Sab, baka mamaya may makarinig sa ’yo!”

“Hehehe. Ikaw naman kasi, masyado mo akong ginugulat. Sabihin mo ba naman sa aking nakatira ka ngayon sa mansyon ng pinaka-yummy nating doctor!”

“Hindi naman ako mags-stay doon nang matagal. Maghahanap ako ng trabaho at magr-rent ng sarili kong pad. May alam ka bang trabaho na puwede kong pasukin?”

Umiling-iling siya. “Wala akong alam na trabaho, e. Pero baka puwede kang mag-apply bilang waitress or saleslady?”

“Kasya na kaya ’yon para makapag-rent?”

“Well, tingin ko hindi—siguro ay studio type na bahay tapos iba pa iyong mga bills at iba mong babayaran.”

Bumuntonghininga ako. “Hindi ko na talaga alam ang gagawin ko. Wala na akong ibang mapupuntahan.”

“Puwede ka namang mag-stay sa bahay namin.”

“Talaga? Puwede?”

“Sophie, best friend mo ako. Alam mo namang nandito lang