CHAPTER 99: PREPARING MYSELF

“VENOM, puwede mo ba akong samahan sa ball bukas?” tanong ko kay Venom pagkalabas na pagkalabas ko ng banyo.

Tumingin naman siya sa akin. “Oo naman, Miss Sophie. I-a-announce na rin ng mommy mo na ikaw ang matagal niya nang nawawalang anak, hindi ba?”

“Well, oo. Kinakabahan nga ako, e. Tapos nandoon pa ang lalaking iyon.”

“Lalaki?”

Bumuntong-hininga ako. “Vincent.”

“Pupunta rin si boss?”

“Uh-huh, at tingin ko may plano na naman siya.”

“Malalaman na rin niyang nahanap mo na ang nawawala mong ina.”

Naupo ako sa may kama. “Para namang may pakialam siya roon.”

“Siyempre naman, Miss Sophie. May pakialam siya sa ’yo,”

Nag-iwas ako ng tingin saka inabot na lamang ang hair brush ko. “Alam mo? Iniligtas na naman ako ni Lance ngayong araw. Sinubukan kasi akong kunin na naman ni Vincent, mabuti na lamang at biglang dumating si Lance at nagpanggap siyang boyfriend ko.”

Nanlaki ang mga mata ni Venom. “Nagpanggap siya bilang boyfriend mo?”

“Oo. Nagulat nga rin ako, e.”

“Siguradong mas lalong nagali