Kabanata 23

Natunton ni Roan ang kasalukuyang tinitirahan ni Shaina. Nakita niya ang kalunos-lunos na pamumuhay nito at ang bahay nila na pinagtagpi-tagping yero lamang.

Tatawag pa lamang sana siya nang makarinig siya ng malakas na sigaw at kalabog mula sa bakuran nito.

Sinundan niya ang tinig na kaniyang naririnig, hanggang sa napagtanto niya ang mga magulang ni Shaina sa likod non.

Kasalukuyang binubugbog ng ginoo ang sarili niyang asawa habang paulit-ulit na nilulublob ang mukha nito sa isang malaking drum na punong-puno ng tubig. Halos nanlaki naman ang kaniyang mga mata sa sobrang gulat at napatakip na lamang sa kaniyang bibig.

Tila bigla siyang nakaramdam ng takot at kaba mula sa kaniyang dibdib, kung kaya't napahakbang siya paatras ngunit huminto rin siya kaagad nang matamaan niya ang isang latang walang laman.

Nang dahil sa ingay na dulot nito ay natigilan naman sandali ang ginoo at napatunghay sa kaniya.