Chapter 26

Eana Beatrix

Magdadalawang linggo na ako sa flower shop ni Vera bilang personal secretary niya. At ngayong araw nga ay ibinigay niya sa akin ang araw na ito para raw makapagpahinga ako.

Mariin ang naging pagtanggi ko dahil hindi naman kako iyon patas sa dalawang trabahante, dahil bukas pa naman talaga ang day-off namin lahat sa kadahilanan na hindi bukas ang shop kapag linggo. Subalit desidido ito kaya wala akong nagawa kundi tanggapin na lang.

“Ma, maglalabada po kayo?” wika ko.

Umangat ang ulo niya matapos makapasok sa pintuan. Bitbit ang isang may kalakihang basket ay ngumiti ito sa akin ng maliit.

“Oo ‘nak. Dagdag budget din ito,” aniya habang ako naman ay lumapit sa kaniya at kinuha ang dala.

“Sabado po ngayon, dapat nagpapahinga kayo.”

“Ayos lang naman, kailangan ko na rin tumulong, ngayong wala ng trabaho ang kuya mo.”

Gulat akong bumaling sa kaniya na noo’y nakasunod sa aking likuran.

Nati