Chapter 33 • Her Unfamiliar Dream

Chapter Thirty-Three: Her Unfamiliar Dream

••• Daphne

"Anak, ingatan mo ang kwintas na 'yan, ah? Mula pa 'yan sa Lola mo," sambit ng isang magandang babae. Alon-alon ang mahabang buhok nito na pinarisan ng magandang mga mata, matangos na ilong, at magandang ngiti.

Nakatingin ako ngayon sa mag-ina na kasalukuyang tila may hinihintay sa labas ng munti nilang bahay. Hindi ko alam kung bakit para bang pamilyar sa akin ang lugar na 'to ngunit natitiyak kong ito ang unang beses na dumating ako dito.

"Opo, Nay! Kaso nalulungkot po ako, dahil wala pa si Tatay. Darating po ba siya ngayong birthday ko?" tanong ng limang taong batang babae.

Nakasuot ito ng costume ng isa sa mga prinsesa sa mga kuwento. Bakas sa mukha nito ang lungkot nang banggitin nito ang tungkol sa pagdating ng Tatay niya. And she looks like me when I was a kid! Sino ang batang 'to?

"Ano ka ba, anak. Kailan ka ba hindi pinuntahan ng Tatay mo sa tuwing birthday mo?"

"Iyon nga, Nay. Tuwing birthday ko lang siya nagpupunta dito