Chapter 20: Promises

Naging bagong palaisipan kay Eunice ang nangyari kay Doña Divina. “Kung hindi po sa narinig niyong pag-uusap ni Iñigo ano pa ba ang maging rason para atakihin kayo sa puso?” tanong nito sa sarili habang iniisip ang ibang posibilidad sa nangyari sa matanda.

Naagaw ang pansin ni Eunice nang maramdaman niya ang paghigpit ng hawak ni Doña Divina sa kanyang kamay.

“Hayaan mo na iyon, Hija. Huwag mo nang isipin kung ano ang dahilan marahil buhat na rin ng aking katandaan kaya nangyari iyon,” wika ni Doña Divina.

“Pero—”

Hindi natuloy ni Eunice ang kanyang sasabihin nang magsalita si Doña Divina.

“Hayaan mo na iyon, Hija. Ang gusto kong malaman ay kung kumusta na kayo ni Stefan? Alam kong nag-alala kayong masyado sa akin at nawalan kayo ng oras sa isa’t isa dahil sa pag-aalala. Sabihin mo sa akin, kumusta kayong dalawa ng apo ko?” tanong ni Doña Divina na nasasabik marinig ang isasagot ni Eunice.

Hindi naman agad nakaimik si Eunice at patuloy