Episode 45: The Investigation

Benjamin's POV

"Are you sure?" Lalong lumalim ang kunot sa noo niya sa mga narinig sa hinire niyang private investigator. "I.. I c-couldn't—" Hindi niya sukat akalain na magagawa ito sa kanya ni Denise sa panahon na nagsama sila. "How could s-she do such a thing to me?"

Pabagsak siyang naupo sa sofa habang hindi makapaniwalang nakatingin sa kaharap. Nakakalat sa mesa niya ang mga litratong kuha sa babae sa loob ng isang buwang paniniktik ng taong may kaalaman sa ganitong kaso niya.

"So ilan kami?" Napuno ng galit ang puso niya nang titigan ang isang litrato kung saan may kahalikan si Denise. Napailing siya. "Ganun kabilis niya 'kong nakalimutan?"

Fake! Isang malaking fake si Denise dahil walang hinto ang ginagawa nitong pag-text at pagtawag sa kanya pero hangga't hindi nagiging malinaw ang lahat, hindi niya ito haharapin nang maayos. Ito na ang kasagutan sa lahat ng katanungan niya pero kulang pa ito.

"Mostly mga businessman ang nakarelasyon niya at nakausap ko ang tatlo sa kan