Kabanata 36

Hindi na alam ni Davina kung ano ang pinag-usapan ng maglolo sa library. Nagtungo na lang siya sa kusina para makapagluto ng tanghalian nila dahil mukhang magtatagal ang usapan nila. Napapakamot na lang si Davina sa ulo niya kapag naiisip niyang itutuloy ng Lolo ni Caspian na ipublic ang tungkol sa kanilang dalawa. Hindi yun pwedeng mangyari, ayaw ni Davina na mas lumala pa ang sitwasyon.

Ang kailangan niya lang ay ang malaman ang pagkatao ni Caspian, yun lang at kahit na wala sa plano niya ang mahalin ito kailangan niyang isantabi ang nararamdaman niya para maituwid ang batas, para magawa niya ng tama ang trabaho niya. Sa trabahong pinili niya kailangan malakas ang loob mo at kahit na mahalaga sayo ang isang tao pero lumabag siya sa batas, you need to kill them.

“Ahh,” da-ing ni Davina nang masugatan na naman ang daliri niya. Palagi na lang siyang nasusugatan sa tuwing naghihiwa siya dahil sa lalim ng iniisip niya. Muli siyang bumuntong hininga, saan nga ba aabot ang mga ginagawa niy