Kabanata 88

Ilang araw ding hinintay ni Davina ang Daddy niya para kausapin ito tungkol kay Caspian at kay Dead Angel pero simula nang mag-usap silang dalawa hindi pa niya ito makita.

“Wala pa rin ba si Sir Flores?” hinarang na niya ang dadaan sanang isa sa mga malapit na tauhan ni Mr. Flores.

“Pasensya na Captain pero hindi pa rin siya bumabalik kasama ng mga iba pa niyang mga tauhan.” Sagot naman nito, nakakagat na lamang ni Davina ang pang-ibaba niyang labi dahil sa pag-aalala. Baka sa mga oras na ito ay tinutugis na nila si Caspian at base sa narinig ni Davina hindi isusuko ng Daddy niya si Caspian dahil siya mismo ang sisingil sa buhay na kinuha sa kanila ni Caspian.

Napahilot si Davina sa noo niya, saan niya ba hahanapin ang ama niya para makausap ito at mapatunayan ang mga sinasabi niya. Iniisip kasi ng kaniyang ama na ginagawa ito ni Davina para iligtas siya.

“Sinubukan mo na ba siyang tawagan?” tanong ni Kenzo sa kaniya, kasama ni Davina si Kenzo sa paghahanap kay Mr. Flores pero bigo p