29 Misinsinan Na Pag-uusap

Charlotte's POV

Nagising siya na nasa kwarto niya mismo, hindi sa kwarto ni Elijah. Bumangon siya pero may kamay na umalalay sa kanya pasandal.

"Dahan-dahan lang." Tiningnan niya si Elisse na nasa kanyang tabi pala. "Gusto mong kumain? Magpapaluto ako."

Umiling siya. "Tubig na lang."

"Wait ikukuha lang kita sa labas."

Lumabas si Elisse at naiwan siya sa kwarto. Pumikit siya, pero bigla ring dumilat. Hinawakan niya ang ibabaw ng tiyan niya, hindi pa rin siya makapaniwalang merong mabubuo na bata sa loob no'n.

"Ito na ang tubig mo."

Inabot sa kanya ni Elisse ang baso na may laman na tubig, saka muling umupo sa tabi niya.

"Dito ka na lang muna sa kwarto na 'to. Baka pag naroon ka sa kwarto ni Elijah ay mag-away na naman kayo. Mas mabuting pahupain niyo muna ang naganap ngayong gabi para sa susunod na araw ay magkasundo na kayo."

Tinitigan niya si Elisse. "Hindi pa talaga ako handa."

Ngumiti naman ito. "Wala talagang nagiging handa sa unang beses na magkakaroon ng anak. Syempre maraming