Kabanata 49.2

Sa kaiisip ni Aiden ay nakatulog na siya. Paggising niya ng umaga ay naamoy niya na ang mabangong niluluto ng kung sino man sa kusina niya. Pupungay pungay pa ang mga mata niyang nagtungo ng kusina at nakita niya naman dun si Chloe na siyang nagluluto.

“Hi Babe, pumasok na ako para makapagluto ng pagkain mo. Nagising ka ba sa amoy nang niluluto ko?” nakangiti niyang aniya. Tinitigan ni Aiden si Chloe pero kahit na may itsura rin ito ay hindi pa rin bumibilis ang tibok ng puso niya na nagagawa sa kaniya ni Mia. Ano nga bang hindi niya makita kay Chloe na meron kay Mia?

Napabuntong hininga na lang siya at di na pinansin si Chloe. Dumiretso siyang nanguha ng tubig para makainom.

“Magkape ka muna pala, ipinaghanda na kita kanina.” Matamis na wika ni Chloe saka nilagyan na lang ng mainit na tubig ang tasa.

“Hindi ka na sana nag-abala pang pumunta rito.” Malamig na wika ni Aiden pero hindi iyun alintana ni Chloe dahil sanay naman na siya kay Aiden.

“Ano ka ba, okay lang. Kapag ikinasal nama