Kabanata 57.1

Malalim ang iniisip ni Mia, hindi niya magawang makapagcelebrate man lang dahil nakita na siya ng mga magulang niyang inakala niyang inabandona na siya noon. Gusto niyang maging masaya pero hindi niya magawa, may mga gumugulo sa isipan niya. Paanong nagkakilala ang mga magulang niya at ng mga magulang ni Aiden. Anong alitan meron sila para kumilos ng ganun si Mrs Hernandez?

Napabuntong hininga na lang si Mia, gusto lang naman nila ng katahimikan pero bakit parang mas lalong gumugulo ang lahat. Kung may alitan nga ang mga magulang niya, hindi imposibleng mas kaaayawan siya ngayon ni Mrs Hernandez dahil anak siya ng pamilyang Vesarious.

Napatingin na lang si Mia sa gilid niya nang may mag-abot sa kaniya ng isang mango shake kaya tiningala niya kung sino ito. Kinuha niya naman na ang mango shake saka naupo sa gilid niya si Aiden.

“I just want to say sorry about my mother’s behaviour lately in front of your parents. Hindi na ako nakabalik dahil nahihiya akong harapin sila, this is the fi