Chapter 17

Pagkapasok nila sa loob ng mansion ay sinalubong kaagad sila ng mga magulang ni Hector na tuwang-tuwa naman pagkakita sa kanila na dumating na. Grabe ang kabang nararamdaman ni Camilla habang nilalapitan sila ng mga magulang ni Hector. Pakiramdam pa niya ay kakawala na ang puso niya sa sobrang bilis ng pagtibok nito.

Pinakilala naman kaagad ni Hector si Camilla sa mga magulang niya bilang girlfriend niya na pakakasalan niya. Guwapo at maganda ang mga magulang ni Hector. Hindi nakapagtataka kung bakit guwapo rin ang lalaking nasa tabi niya na hawak-hawak ang kamay niya. Matapos siyang ipakilala ni Hector sa mga magulang nito ay nabawasan kahit papaano ang kaba at takot niya. Hindi naman siya sinungitan o tinarayan ng mommy ni Hector na si Agnes. Naging mabait naman ito sa kanya lalo na ang daddy nito na si Alejandro. Malayo sa inaasahan niya ang naging pakikitungo nito sa kanya.

Pagkapakilala sa kanya ni Hector sa mga magulang nito ay niyaya na silang dalawa na kumain na ng dinner kas