Chapter 50

Inubos muna ni Camilla ang kanyang inorder na pagkain at inumin habang hindi pa sila umaalis sa coffee shop na 'yon. Hinintay na lang siya ng asawa niya na si Hector na makatapos. Pagkaubos niya sa kanyang in-order na pagkain at inumin na kape ay nagpasya silang dalawa na umalis na doon at bumalik sa mansion. Wala naman silang dalawa gagawin pa doon, eh.

Maliwanag pa nang makarating sila sa mansion. Diretso kaagad sila sa kuwarto para magbihis ng damit na pambahay. Pagkabihis nilang dalawa ay hindi muna lumabas si Camilla sa loob ng kuwarto ni Hector. Doon muna siya nanatili hanggang sa tawagin na siya para kumain ng dinner.

Tahimik lang silang dalawa ni Hector na kumakain ng dinner kaharap ang mga magulang nito. Parehas silang dalawa may iniisip. Kung si Camilla ay tungkol sa ama niya, si Hector naman ay tungkol sa sinabi ni Georgia na babaeng mahal niya na nagsasabi na buntis ito at siya ang ama.

Saka lang sila nagsalita na dalawa nang magtanong ito sa kanila tungkol sa pagpunta ni