Chapter 67

Umalis pa rin si Hector sa mansion nila para puntahan si Georgia. Kahit ano'ng gawin na pagpipigil ni Camilla sa asawa niya ay wala naman siyang magagawa pa. Kung ano ang gustong gawin nito ay 'yon ang kailangan na mangyari. He won't listen to her. Kahit ano'ng gawin niya na makaawa o ano pa ay hindi siya magtatagumpay.

Habang nasa loob si Camilla ng kuwarto nilang dalawa ni Hector na mag-isa ay hindi siya mapakali. Wala naman siyang maisipan na gawin dahil ang buong isipan niya ay nasa asawa niya niya at sa mga napag-usapan nila kanina lalo na ang kagabi. Gusto niyang makausap ang kaibigan niya na si Mika para sabihin 'yon para may mahingian siya ng payo kung ano ang puwedeng gawin niya ngunit may trabaho ito. Hindi niya puwedeng istorbohin ang kaibigan na si Mika para lang sa kagustuhan niya na may makausap siya.

Gustong-gusto ni Camilla na itigil na ng asawa niya at ni Georgia ang kung ano man ang mayroon silang dalawa dahil hindi 'yon tama. Nag-iisip-isip siya ng puwedeng gawin n