Chapter 46

Matapos ay usapan nila ni Marie ay lumabas na ito at hinahanap na kasi ito ng Kuya Leon niya. Siya naman ay nagligpit na at pumanhik na sa kwarto nila ng kambal.

Tumabi siya ng higa sa gawi ni Emerald. Tulog na tulog ang mga anak niya. Sana magawa ng mga anak niya na patawarin ang ama ng mga ito. Iyon ang hiling at ipinagdarasal niya sa diyos.

Ayaw niya na magkimkim ng galit ang mga anak sa ama ng mga ito kahit sa ibang tao. Gusto niya na lumaki ang mga ito sa maayos na pamilya at walang hinanakit at galit sa bawat isa.

Pagkaraan ay hinalikan niya isa-isa ang kambal at ipinikit na niya ang mga mata. Ilang sandali lang ay nakatulog na siya.

--------------------------

Sa kabilang banda ay masaya si David na umuwi sa Bahay ng mga magulang niya. Tulog na ang lahat ng makauwi siya kaya tinungo na niya ang kwarto niya.

Pagkapasok niya sa kwarto ay nandoon si Dustin nakahiga sa kama niya. Payapa itong natutulog. Kahit hindi niya anak si Dustin ay mahal niya ito bilang tunay na anak. Gag