“MAMI-MISS ko ang apo kong masarap magluto ng pagkain dito sa bahay,” may bahid ng lungkot na sabi ni Lola Meding kay Tracy. Pinuntahan siya ng abuela niya sa silid niya sa bahay nito na nakatakda na niyang lisanin. “Lagi kang welcome dito huh.”“Ang lola talaga oh, lalo po ako na mahihirapan na umalis n’yan,” kunwa’y biro niyang sabi pero may kabigatan sa kalooban niya. Malaki ang tinatanaw na utang na loob niya dito. Ang tumulong sa kanya na bumangong muli buhat sa pagkakadapa.“Basta apo, hindi kita maaaring pigilan sa pag-alis mo,” masuyong hinawakan nito ang isang kamay niya. “Huwag mong ipagdamot sa sarili mo na makasama ang iyong totoong mga magulang mo.”Napapaluhang tumango siya. “Sana nga Lola, matanggap po ako ng mundong ginagalawan nila. Alam ko po na hindi ordinaryong pamilya ang Villa Aragon. Medyo natatakot po ako sa pagbabagong ito ng aking buhay.”“Tracy, napagdaaanan mo na ang malalaking pagsubok sa buhay mo,” paaala ng Lola niya. “Nagawa mong makatayong muli at magp
“ALAM ko na ako ang may kagagawan kung bakit napawalay ka sa ating pamilya Tracy,” mababang tono na sabi ni Rolando matapos pumasok sa silid niya sa mansyon ng mga Villa Aragon. May guilt na nakakintal sa seryosong mukha nito. “Hindi sana mangyayari iyon kung hindi ko pinagdudahan ang sarili ko noon.”“D-Dad,” usal niya sa unang pagkakataon na tinawag sa ganoong paraan ang totoong ama. May bumibikig sa lalamunan niya at tila nagsisikip na naman ang dibdib niya.Nakatingin lang sa kanilang dalawa si Filomena. Walang mabakas na emosyon sa magandang mukha nito sa kabila ng katandaan.Lumapit pa lalo sa kanya si Rolando at hinawakan ang isang kamay niya. isinubsob nito ang ulo doon. “Patawarin mo ako anak, patawarin mo ako. Pangako, babawi ako sa’yo.”Naantig ang damdamin niya sa ginawing iyon ng ama. Kinabig niya ang ulo nito at nagtama ang kanilang mga mukha. “Tapos na po ‘yun Dad, pinatawad ko na po kayo. Ang mahalaga po ngayon ay magkakasama na tayong muli. Buo na ang pamilya nati
SA gabing iyon, dumalo sa magarbong kaarawan ni Don Enrico Lorenzo sa isang five-star hotel sa Makati ang pamilya Villa Aragon. Sa entrada pa lang ng venue ay parang celebrity na lumakad sila sa red carpet. Isang butter cream sleeveless deep v-neck evening dress ang suot ni Tracy. Nakatali ng mamahaling pony-tail ang mahaba niyang buhok habang akma sa mukha niya ang nakalagay na make-up. Nasa bandang kaliwa siya ni Rolando at naka-abrisete sa braso nito at nasa bandang kanan ang Mommy niyang si Filomena. Naka-formal attire rin ang mga magulang niya.Na-focus ang atensyon sa kanilang mag-anak ng mga taong naroon. Panay flash rin ang camera sa kanila. Si Tracy ay bago sa mga mata nito dahil iyon ang unang beses na isinama siya ng mga magulang niya sa ganoong event.Pagpasok nila sa main venue, sinalubong sila ng isang babaeng usherettes. Hinanap nito ang invitation na kaagad na naipakita ni Filomena at sinamahan sila sa table na nakalaan para sa kanilang pamilya.“Just enjoy this ni
AT saka lang napansin ni Tracy si Vince na gahibla lang ang lapit kay Fien. Sa ginawa niyang pagkilos kaninang nawalan ng kuryente ay sa huli siya sa napakapit. Expected na niya na naroon ang binatang Montagne dahil nakatagpo niya ang ina nitong si Margaux.“Pare, she’s my dancing partner,” paglapit ni Vince sa kanilang dalawa.Hindi naman niya maunawaan ang mararamdaman sa nasabing sandali. Nagsasama ang pagkailang at pananabik sa puso niya.“I’m sorry Mr. Montagne kung nakaabala ako sa-”Akmang aalisin sana niya ang kamay sa mga balikat ni Fien pero laking gulat niya nang bigla nitong hawakan iyon. Tumingin pa it okay Vince. “I’ll take this time to dance with her.”Nanlaki ang mga mata niya sa sinabing iyon ng binata. Pasimple pa itong ngumsisi sa kanya sa pagtingin ulit sa mukha niya. Hindi siya makapaniwala na gusto siya nitong makasayaw sa party.“If it’s okay with Miss Villa Aragon, sige pagbibigyan kita Mr. Montagne,” pagpaparayang sabi ni Vince. Mababasa sa tono ng pananalita
“GRABE pala ang ginawa sa’yo ni Margaux hija,” nagpupuyos ang kaloobang sabi ni Filomena sa kanya habang magkatabi silang nakaupo sa back seat ng kotse ng Daddy niya. Ang kanyang ama ay nasa front seat at bumabyahe na sila pauwi. “Kung hindi ka nga lang sana napawalay sa amin, hindi sana mangyayari iyon. Kung bakit ba naman kasi.”“Filomena, ang mahalaga ngayon ay hindi na mangyayari muli kay Tracy ang mga pang-aaaping dinanas niya noon,” biglang sabad ni Rolando at naramdaman nito na pinapatamaan ito ng ina niya. “It’s not late, para ma-proteksyunan natin ang ating anak.”“Mom, Dad, kalimutan na po natin ‘yun,” pagpigil niya sa nagbabantang tensyon sa pagitan ng mga magulang niya. “Humingi naman na ng tawad sa akin si Ma’am Margauz at alam ko po sa sarili ko na hindi na mauulit ang mga pangit na nangyari sa buhay ko noon.”“Kilala ko naman siya na gan’on siya sa mga hindi natin ka-level,” anang ng Mommy niya. “At makakaaway na rin niya ako kapag minata ka niyang muli. Lagi mong
“MOM, bakit nga pala iniwan ninyo ang mundo ng showbiz noon, dahil ba talaga kay Dad?” naniniyak na tanong ni Tracy kay Filomena matapos kuhain ng kaaalis na waiter ang kanilang order. Naroon sila sa isang specialty restaurant na bahagi ng luxurious resort na pinuntahan nila ngayong weekend. Sila buong mag-anak ay nagpasyang magpalipas ng weekend sa isang magandang isla na nasasakupan ng Palawan.“Exactly, hija,” sagot ni Filomena na napatingin pa sa gawi ni Rolando. Pansamantalang lumayo sa kanila ang ama dahil may nakatagpo itong isang business friend at mukhang seryoso ang usapan ng mga ito. “He is the reason kung bakit mas pinili kong iwanan ang kasikatan ko noon.”She looked amusingly. “Ang totoo po n’yan, bago ko po kayo nakilala ay may mga na-meet po akong ibang tao na naalala kayo dahil sa akin. Magkamukha po kasi tayo at nanghihinayan sila sa inyo,” partikular na naalala niya si Tita Adora. Iwinaksi niya sa isipan ang pamangkin nito na kaibigan niya.“Alam mo anak, maramin
NAGBALIK ang diwa ni Tracy dahil sa bahagyang pagkirot ng ulo niya, napahikab pa siya kasunod ang pagmulat ng mga mata niya. Sumalubong sa kanya ang may kalaparang dibdib. Babangon sana siya subalit may malalakas na kamay ang dumantay sa parteng baywang niya na nalalatagan ng kumot. Napasilip siya sa ilalim ng malaking tela at saka niya napagtanto na maging siya ay wala ring suot ng damit.“A-anong nangyari?” hindi makapaniwalang bulalas niya. Bakas sa mukha niya ang matinding pagkabigla. Magkasukob ang katawan nila ng lalaki sa iisang kumot.Narinig niya ang mahinang pag-ungol ng lalaking kasiping niya, tanda na ito ay nagising na. Bahagyang gumalaw ang katawan nito na nagpakislot sa kanya. Iniiwasan niya ang magpadala sa kakaibang init na nagsisimulang dumaloy sa katawan niya.“T-teka, sino ba ito?” napatingal siya sa mukha ng lalaki. Hindi niya magawang makawala sa mga bisig nito dahil sa pagkakayakap sa kanya. para siyang natuklaw ng ahas sa pamilyar na mukhang napagmasdan niya
“KAILANGAN bang humantong sa ganito ang lahat, Mom?” naghihirap ang kalooban na tanong ni Tracy kay Filomena. Saglit silang napagsolong mag-ina sa suite matapos lumabas sina Rolando at Fien. Mag-uusap ang mga ito ng lalaki sa lalaki. “Makikiusap ako kay Dad, na huwag akong ipagpilitang maikasal.”Malungkot na umiling si Filomena saka tinabihan siya sa pagkakaupo niya sa couch. “Kilala ko ang iyong ama hija, ang mga nasabi na niya ay hindi na niya binabawi. Batas ang bawat desisyong ginagawa niya.”“Pero Mom, aaminin ko po, may pagmamahal pa rin ako Fien,” kumirot ang puso niya sa isiping iyon. “At ayokong ma-force marriage siya sa akin. Kung magkakaayos man kami ay gusto ko na makinig siya sa paliwanag ko.”“Lumaki sa isang conservative na pamilya ang iyong ama,” saad muli ng ina niya. “Alam mo kung bakit kami napilitang maikasal kaagad noon, nahuli lang kami ng kanyang mga magulang na magkatabing natutulog sa kama ng bahay nila noon. At walang nangyari sa amin kundi nagpahinga lan