Chapter 27 - Happy Graduation Day

Hindi maalis ang paningin ko sa puting gown na isusuot ko ilang oras bago sumapit ang pinakahihintay ko na sandali—ang pinakamahalagang araw para sa amin na magkakaibigan.

Dumungaw sa aking labi ang masayang ngiti ng maalala ko ang panahon na una akong tumapak sa ENH. Hindi naging sayang ang isang taon na inilagi ko sa Eastwest National. Hindi naging madali para sa akin ang pagiging transferee student, ngunit nalagpasan ko ang lahat ng challenges sa eskwelahan na ito. Sa lugar na ito ako natuto kung paano mahalin ang flaws ko, nagawa kong bitawan ang mga insecurities, pagiging mahiyain, at higit sa lahat... nakaya ko ng humarap ng walang takot sa mga tao.

Hindi na naging big deal sa akin ang panahon na na-bully ako sa huling pagkakataon. Sa katunayan ay may natutunan ako sa insidente na 'yon. Kung hindi iyon nangyari ay hindi ko malalaman na may taong handa akong samahan sa kabila ng masalimuot kong buhay. Nagkaroon ng tao na handa akong