CHAPTER 24: The Most Beautiful Girl

JANINA MARIE

Panay ang halik sa akin ni Xavier. Halos pukpukin ko na siya ng kawali dahil sa kulit niya. Pati si Jude ay napaamo niya agad. Inaasahan ko na rin naman iyon pero hindi pa talaga ako ready na magpatawad. Gusto ko pa kasing maramdaman na sinusuyo niya ako.

Pinabalik ni Xavier ang nurse ni Lolo. Tinawagan din ako ng daddy niya na pumasok sa MEC kaya kahit gusto ko nang mag-resign ay 'di ko pa magawa. Busy ang lahat para sa nalalapit na foundation day ng Montefona Electronics Company pero ang asawa ko, abala rin sa kalalandi sa akin.

"Janina, gusto kong maging honest sa iyo." One time ay nasabi ni Xavier sa akin habang pauwi na kami. Sakay ako ng kotse niya at siya ang driver. Hindi pa rin alam sa company na mag-asawa kami pero katulad noon, hot topic pa rin ako dahil sumasakay na ako mismo sa sasakyan ng chief executive officer.

Hindi ako kumibo at tiningnan ko lang si Xavier. Kinabahan kasi ako agad sa paraan ng pagkakasabi niya noon. Inaasahan ko nang may isang rebelasy