Chapter 33 Ang Katwiran ni Storm, bulok!

MARAHAS na buntunghininga ang pinawalan ni Storm habang nagmamaneho, Para siyang robot na naging sunud-sunuran lang kay Judith kaya ngayon ay kasama niya ito papuntang ospital, Hindi man niya tiyak kung kaya ngang magpakamatay ni Judith tulad ng sinabi nito, pinili pa rin niyang sundin ang gusto nito.

Ayaw lang naman kasi niya itong isama kanina dahil talagang hiyang-hiya siya sa sarili. Nagpabuking siya kay Judith na pinagnanasaan din niya ito. Na talagang nagpipigil lang siya para hindi ito magalaw.

Hindi nga ba niya gagalawin si Judith?

Of course not! Mariin niyang sabi. Asawa niya ito kaya may karapatan siya rito. Ngunit, kailangan muna niyang ihanda ito. Dapat munang mabura sa isip ni Judith ang nakaraan. Gayunman, parang natutukso siyang sundin ang sinasabi ni Judith na makakatulong ang mangyayari sa kanila para makalimutan nitoi ang pangit na nakaraan. Posible naman iyon pero hindi pa rin niya gusto ang dahilan. Ibig niyang kapag may nangyari sa kanila hindi lang ang katawan