Chapter 36.2

Kailangan lang niya ng isang magandang rason. Isang rason na pwede niyang magamit para... naningkit ang mga mata niya. Umawang ang labi niya at masayang tumili. "I knew it!"

"Jewel Laine? Ayos ka lang?" 

Masaya siyang lumingon sa mga ka-block at tumango. "I'm okay. More than okay!" 

Nagbaba siya ng tingin sa relo. May isang oras pa bago matapos ang free time. Mabilis siyang lumabas ng classroom at nagpunta sa restroom.

Nagpalinga-linga siya at wala siyang nakitang estudyante. Pumasok siya sa pinakahuling cubicle at nilabas ang Iphone. Hinanap niya sa contacts ang pangalan ni Gideon at akmang pipindutin niya ang call button pero nahinto siya. Hindi niya kaya. 

Napapikit siya at kinagat ang labi. Dapat maging matapang ka, she thought. Pikit-mata niyang pinindot ang button. Nagmulat siya at hinabol ang kanina pa pinipigilang hininga. Dahan-dahan niyang nilapit ang Iphone sa