Kabanata 26.2

Habang nasa taping sila ay matatalim ang tingin ni Layla kay Scarlett. Hindi na lang pinansin ni Scarlett dahil baka magkagulo pa silang dalawa ni Layla habang nasa taping sila. Kailangan niyang lumayo sa ano mang uri ng scandal dahil ayaw niyang maulit na naman ang nangyari sa nakaraan niya.

Nang matapos ang maghapon na yun ay umuwi na si Scarlett. Pagod na pagod siyang umuwi pero tila ba nagising ang diwa niya ng makita niyang nasa sofa si Zion. Magkakrus ang mga binti at mga kamay niya sa dibdib niya. Salubong din ang mga kilay niya na para bang hindi naging maganda ang maghapon niya.

“Kanina ka pa ba?” tanong ni Scarlett, hindi niya alam kung bakit siya kinakabahan lalo na sa galit na mukha ni Zion ngayon. Natatakot siyang may masabi siya o may magawa siya na hindi magugustuhan ni Zion at sa kaniya ibuhos ang galit niya.

“Alam mo ng hindi mapagkakatiwalaan si Layla pero bakit sumama ka pa rin sa kaniya? Are you really that stupid, Scarlett?” unang wika ni Zion sa kaniya. Ito ba an