Chapter 30 - Ghost?

Chapter 30 - Must have been the wind

Solene

Binabaybay ko ang daan pauwi at pagod na pagod ako galing trabaho. Malapit nang lumalim ang gabi dahil palamig na ng palamig ang simoy ng hangin. Nilagay ko ang kamay ko sa mag kabilang bulsa ng jacket at napabuntonghininga.

Nakasindi na ang mga ilaw sa lansangan na siyang gabay ng mga nag-lalakad sa dilim. Napahinto ako ng makarating ako sa tapat ng pintuan, nag-dadalawang isip kung bubuksan ba ito o hindi.

Sa huli, binuksan ko na lang ito at tuluyan nang pumasok pero natigilan ako ng bumungad sa 'kin ang dalawang lalaki at isang babae na kasama nina Auntie at Uncle. Nag-bibilang sila ng libo-libong pera pero isa lang ang nakaagaw ng pansin ko.

Ang mga maliliit at malalaking pakete na parang mga asin ang