Chapter 11

Huminto ang taxing sinasakyan ni Charline sa tapat ng may katamtamang taas na bakuran na maaaring matanaw ang ikalawang palapag ng two storey-type na Townhouse, nakatayo ito sa gitna ng malawak na bakuran na natatamnan ng iba't ibang nagtataasang halaman. Nasunod ang disenyong pinangarap niya. Ang kaniyang dreamhouse, na ilang taon niya 'ding pinag-ipunan mula sa kinikita bilang chef sa ibang bansa. Sa wakas!

Akala niya ay hindi niya na maisasakatuparan pa ang pangarap dahil pagkatapos niyang grumadwet ay napilitan siyang huminto sa pagtatrabaho dahil ipinagbuntis niya si Aj. Pero sa tulong ni Alyssa, nakayanan niyang pasanin ang responsibilidad ng pagiging ama't ina sa anak. Ito 'din ang tumulong sa kaniya para makahanap ng maayos na trabaho sa ibang bansa. At heto nga, nagbunga ang lahat ng pagsasakripisyo niya. Nakabili siya ng sariling lupa at nakapagpatayo ng sariling bahay.

"Mommy..." untag ng tinig ng anak na nasa gawing likuran niya.

Nilingon niya ang anak na nagtataka marahil