KABANATA 40

"Estella? The hostess?" walang tuwang tanong ni Michael Montenegro sa kanya.

Kumuyom ang kamao ni Yvonne. Confirm na kilala nito ang nanay niya pero bakit parang wala naman itong pakialam?

"Nakilala niyo po siya sa club—"

"And you are her daughter?" putol muli nito sa sasabihin pa niya.

Pilit siyang ngumiti. Huwag mong sabihing itatanggi siya nito? Humigpit ang pagkakakuyom ng kamay niya dahil sa naisip.

"And I am your daughter, Mr. Montenegro," walang kurap na bigkas niya.

Umawang ang mga labi nito. Kitang-kita niya ang wrinkles nito noong biglaang manliit ang mga mata nito sa kanya.

"Gaano ka kasigurado na anak nga kita? Iba-iba ang lalaki ni Estella, baka isa sa mga iyon ang ama mo, Hija," kalmadong tugon nito.

Nagtagis ang mga ngipin niya. Sabi na nga ba't itatanggi siya nito! Nasayang lang ang oras niya.

"Isa ka rin po sa mga naging lalaki niya. Posibleng kayo ang ama ko—"

"Posibleng ako, posibleng hindi rin ako," may diing sabat na naman nito.

Nanggigil na siya na hindi siya nit