Chapter 37 - Pagbabago ng ugali

Rhian's Point of View

Matapos kong maikwento ang lahat kay Liam ay hindi na ito muli pang nagtanong sa akin. Alam kong mas naintindihan na niya ngayon ang sitwasyon namin ng aking anak.

"Kung ano man ang magiging desisyon mo para sa inyo ng iyong anak ay pag-isipan mong mabuti. Saka mag-iingat ka sa baliw na babaeng iyon. Baliw na baliw sa ama ng anak mo." Halata kay Liam na hindi niya nagustuhan si Vera.

"Sa ngayon, ang iisipin ko muna ay ang kinabukasan ng aking anak. Malaki ang maitutulong sa aming mag-ina ang ibinigay na opportunity ni Mr. Jhon Edison at Hendrix Elison." Pagkatapos ng kontrata ko dito ay balak ko ng magpahinga sa pagmomodelo. Kailangan kong pagtuunan nang pansin ang aking anak. Malaki na ang naipon ko, magtatayo na lamang ako ng negosyo.

Sumang-ayon naman sa kanya si Liam. Binigyan ako nito ng isang baso na may lamang alak. Wala sa isip kong tanggihan iyon dahil kailangan nilang mag-celebrate. Saka ko na lamang ipapaliwanag sa aking anak kung bakit ako nag-inom.