Chapter 66 - Hinala

Rhian's Point of View

Napagpasiyahan kong itigil muna ang aking ginagawa. Kailangan kong kumain upang magkalaman ang aking tiyan.

Wala pa rin si Logan kaya ako lang mag-isa ngayon ang kakain sa labas. Palabas na ako ng aking opisina at nakita ko si Alex na palabas din ng kanyang opisina.

"Oh! Saan ka pupunta, Rhian?" Kunot-noong tanong naman ni Alex.

"Ahm.. kakain lang ako sa labas. Hindi ko kasi namalayan ang oras." Tugon ko naman dito. Mukhang ngayon pa lamang din kakain ang binata. "Ikaw saan ka pupunta?"

"Uhmm.. kakain din. Katulad mo, naging abala din ako sa trabaho kaya hindi ko rin namalayan ang oras." Nakangiting saad naman ni Alex.

Napatango-tango naman ako dito.

"Ahmm.. pwede bang sabay na tayo maglunch, Rhian? Don't worry, my treat."

Saglit ko munang pinag-isipan ang alok ni Alex, ngunit sa huli ay pumayag na rin ako.

Tutal mag-isa lamang naman ako at nagmagandang loob naman ang lalaki. Wala naman siguro siyang masamang hangarin sa pagyaya niya sa akin.

Sabay kaming lumab