Chapter 24

ALENA

Nandito ako ngayun sa living room. Halos alas-sais na ng hapon pero wala pa rin si Justine. Hindi din ito tumawag o nagtext man lang. Hindi pa rin maalis sa isip ko ang komprontasyon na naganap sa amin kanina ni Valerie.

Masakit isipin na malaya palang nakakalabas pasok si Valerie sa Lugar na ito. Parang kinukurot ang puso ko sa isiping posibleng may nangyayari pa rin sa dalawa. Hindi ko alam kung tama ang naging desisyon ko na magpakasal dito.

Mabilis akong nagtiwala ulit kay Justine. Hindi ko man lang inalam kong ano ang status ng relasyon nito sa kanyang dating fiancee. Hindi din ako nakinig sa lahat ng payo ng aking mga kapatid. Mabilis akong nagpadala sa aking emosyon at nararamdamang pagmamahal dito. Alam kong wala akong dapat ibang sisihin kapag masatan ulit ako kundi ang sarili ko lamang. Masyadong naging matigas ang aking ulo at mabilis kinalimutan ang mga nagawang kasalanan sa akin ni Justine noon.

Nasa ganoong pag-iisip ako ng biglang bumukas ang pinto ng unit namin.