Chapter 20

Bella's POV

Nabalitaan ko ang pagka-panalo nang boyfriend ko sa isang car racing kaya mabilis akong nagtungo sa lugar na iyon. Kinuha ko ang susi ng kotse ko at dahan-dahang lumabas ng bahay patungong garahe. Pasado alas nwebe na nang gabi at alam kong tulog na si Daddy kaya hindi naman niya malalaman kung aalis ako o hindi.

Mabilis kong pinaharurot ang sasakyan ko patungo sa area kung saan sila nakipagkarera. Nang makarating roon ay nagtungo ako sa kinaroroonan niya. Napawi ang aking ngiti dahil sa mga babaeng nakatingin sa kaniya. Sumulyap ito sa aking gawi na tila nnaramdaman niya ang aking presensya.

Tipid akong ngumiti sa kaniya at niyakap siya. "Ang galing talaga ng boyfriend ko!" sambit ko. Niyakap ako nito pabalik.