Chapter 28

Amber Pov

Kagaya nga ng sinabi ni Phil ay sinundo niya ako kinabukasan ng hapon. Nasa bahay pa niya ang mga gamit ko kaya wala akong dinalang mga damit ko pabalik sa bahay niya. Talagang may mga damit ako sa apartment ni Mildy para kapag sa kanya ako natutulog ay may maisusuot akong damit at iyon ang mga ginamit ko habang pansamantalang nakatira ako sa kanya.

"Bukas ng umaga uuwi si lolo at gusto kong makita ka niya agad pagdating niya," kausap ni Phil sa akin habang nagmamaneho siya ng kanyang kotse pabalik sa bahay niya.

"Huwag kang mag-alala dahil gusto ko rin makita si Lolo kaya tiyak na mag-aabang ako sa kanyang pagdating," mabilis kong sagot sa kanya. "Ngunit huwag mong isipin na bahagi ng trabaho ko lamang ang pagpapakita ko ng concern at kabaitan sa lolo mo. Napalapit na siya sa akin at itinuturing ko na rin siyang tunay kong lolo kaya naman masaya ako na makakalabas na siya ng ospital," dugtong ko sa aking sinabi nang makita kong bahagya siyang napakunot ng noo.

"Bakit ka nag