Kabanata 18 : Predator Pt. 2

Magulo ang loob ng kwarto nang makita namin ito. Nagkalat ang maduduming damit at ilan pang mga gamit sa lapag. Hindi ko rin maipaliwanag ang amoy sa buong lugar pero ang talagang kumuha ng atensyon ko ay ang mga tali sa bawat gilid ng kama pati na rin ang latigo na nasa ibabaw nito. Mabilis akong napalingon sa bintana ng makarinig ako ng mga kaluskos doon.

"Anong nangyari rito, Diane? At para saan ang mga tali at latigong 'to?" sunod-sunod na tanong ni Marcia.

"May kasama ka ba rito tuwing gabi?" tanong ko rin kay Diane.

Napasalampak s'ya sa sahig saka s'ya malakas na humagulgol. Umangat ang suot n'yang puting bestida kaya naman nakita ko ang malalaki n'yang pasa sa binti at hita n'ya.

"I think someone is abusing her," pahayag ni Marcia na nagbigay takot at kaba sa akin. "I-lock n'yo ang mga pinto at bintana paglabas ko. Tatawagin ko si daddy."

Tumango ako bilang sagot kay Marcia. Saktong pagbukas n'ya ng pinto ay tumambad sa harap namin si kapitan Makoy. Wala s'yang pang-i