Kabanata 27 : Birthday Gift Pt. 1

"Wala ka pa rin bang naiisip na ipangreregalo sa kanya?" tanong sa akin ni Marcia.

Bukas na ang birthday ni Wayde at hanggang ngayon ay wala pa rin akong ideya kung anong ibibigay sa kanya na gusto kong ikakatuwa n'ya. Kanina pa kami naglilibot dito sa mall pero wala akong nakikita na magugustuhan ni Wayde. Siguro ay dahil wala naman akong alam sa mga hilig n'ya.

"Tulungan mo na lang kasi akong mag-isip."

"Ang dami ko nang sinuggest sa'yo pero niisa ay wala kang nagustuhan," dismayang pahayag ni Marcia.

Oo nga pala.

"Ang common naman kasi ng mga suggestion mo. Tsaka meron naman s'ya nun at hindi na n'ya kailangan ng panibago."

"At paano ka naman nakakasigurado?" tanong ni Marcia saka n'ya pinag-cross ang mga braso n'ya. Kanina pa talaga s'ya nagtitimpi sa akin. Halos ilang oras na kasi kaming naglilibot kaya bukod sa inis n'ya sa akin ay alam kong pagod na rin s'ya.

"Gusto mo ba ng ice cream?" tanong ko sa kanya.

"Tsk. Fine."

Ayan! Kumagat s'ya sa pangpalubag-loob ko sa