Chapter 241

DOMINIC POV

"Sir...hindi pa po bumabalik si Mam Trexie!'' balitang sumalubong sa akin pagkababa ko pa lang ng kotse. Isang masamang balita na hindi ko alam kung paano ko haharapin.

Pagkatapos ng kabi-kabilaang meetings kaninang umaga naging abala naman ako sa loob ng opisina kaya ang balak kong pag uwi ng maaga para muling makasama si Trexie ay hindi natupad.

Iniwan ko siya kaninang umaga na mahimbing sa pag-tulog. Wala din akong nakitang indikasyon na aalis ito ng bahay kanina dahil kita ko sa mukha niya ang pagod sa halos magdamag naming pagtatalik.

Gayunpaman, excited akong umuwi ngayung hapon pero ito kaagad ang sumalubong sa akin. Umalis si Trexie at hindi pa bumabalik.

"Anong hindi umuuwi? Saan siya nagpunta?" taranta kong tanong. Sa kauna-unahang pagkakataon, bigla akong nakaramdam ng takot. Paano kung mapahamak siya?

Imposible naman na tuluyan niya na akong iniwan. Nasa maayos na kaming sitwasyon kagabi. Katunayan nga ramdam ko ang pagpapaubaya niya sa makailang ulit kong