CHAPTER 43

Celeste

Nagising ako dahil sa naramdamang basa sa aking noo. Dahan dahan akong nagmulat. Natulala ako ng bumungad sa akin ang mukha ni... Iggy?

Mas lalo ko pang iminulat ng mabuti ang aking mata, para tuluyang luminaw ang aking paningin. Hindi nga ako nananaginip, si Iggy ang nasa harapan ko ngayon. Mabilis akong napaupo, mabilis akong nakaramdam ng ginaw, at parang binuhusan ako ng malamig na tubig ng makitang nakabra lamang ako, agad kong hinila ang kumot at binalot ng mabuti ang aking katawan.

"Anong... Anong ginagawa ko rito, bakit nandito ako." Naiiyak kong saad.

"'Wag kang mag-alala, wala akong ginawa sa'yo, pinalitan lang kita ng damit dahil basang basa ka." Kumunot ang aking noo.

"Nang mawalan ka ng malay ay binuhusan ka nila."

"At dinala mo ako rito, bakit?" Agad itong umiwas at tumayo para lumabas.

"Sandali Iggy, niligtas mo ba ako? K-Kung gano'n maraming salamat, dahil hindi mo parin nalilimutan ang pagkakaibigan natin." Rinig ko ang malalim nitong paghinga.

"Kukunin ko lan