Chapter 31

MAGGIE

PASADO ALAS singko na ng hapon ng magising ako. Palubog na ang araw. Bumaba ako at dumiretso ng banyo na katabi lang ng kusina para umihi at maghilamos. Paglabas ko ng banyo ay pumasok na ako sa kusina. Naabutan ko si nanay na naghahanda na sa pagluluto ng hapunan.

"O anak gising ka na pala? Nagugutom ka ba? Gumawa ako ng maruya." Nakangiting alok sa akin ni nanay.

Lumapit ako sa lamesa at inangat ang takip. May maruya nga doon. Kumuha ako ng isa at kumagat. Nagpalinga linga ako.

"Asan si tatay nay? Si Dan gising na po ba?" Tanong ko. Nauna akong natulog kay Dan dahil nagbonding pa sila ni tatay kaninang umaga sa likod ng bahay.

"Nasa labas. Kagigising lang ni Dan. Inaaya na nga ng tatay mo uminom, sabi ko mamaya na pagkahapunan."

Tumango tango ako. Naririnig ko nga ang boses nila sa labas.

"Anong ulam lulutuin mo nay?" Tanong ko.

"Dinakdakan at ang paborito nyong dalawa ni Dan. Ginataang alimasag." Nakangiting sabi nya.

"Wow." Bulalas ko. Natakam ako bigla.

Umupo ako