CHAPTER 17

SI CARINA CORDOVA ay anak ng business partner niya. Ang mga negosyo ng pamilya nito ay nakabase sa Hongkong at Malaysia. First girlfriend niya si Carina. Seventeen years old pa lamang siya nang maging kasintahan niya ito at nag-uumpisa pa lamang siyang pamahalaan ang mga negosyo. That time ay hindi niya ito mabigyan ng sapat na oras dahil priority niya ang magpayaman.

Three years rin ang itinagal ng kanilang relasyon. Wala siyang itinago kay Carina. Alam nito ang lahat-lahat sa kanya. At tinanggap nito iyon ng walang tanong-tanong. Hindi lang girlfriend ang turingan nila sa isa’t-isa. He considered her as his bestfriend. Kaya sobra siyang nasaktan nang wakasan nito ang relasyon nila dahil hindi na raw niya ito mabigyan ng sapat na oras.

Ilang beses siyang nagmakaawa dito. Pero nakahanap na ito ng lalaking magbibigay ng mga kakulangan niya. Pagkatapos ng break up ay halos gabi-gabi yata siyang nag-iinom. Saksi si Wendy sa heartaches na pinagdaanan