CHAPTER 81

NANG muling dalawin ni Genis si Gertrude ay hindi na nag-aksaya pa ng oras si Amanda para makausap ng masinsinan ang lalaki.

“C-coffee?” aniya rito.

Tumango ito. Nagtungo siya sa kusina para ipagtimpla ito ng kape. Simula nang maging mag-asawa sila ni Genis ay ngayon lamang niya ito maipagtitimpla ng kape. Naalala niyang nuong magkasintahan pa lamang siya nito ay gustong-gusto nito ang timpla ng kape niya. But then nagbago ang lahat ng iyon pagkatapos nilang ikasal. Naalala pa niyang ilang beses niyang tinangkang gawan ito ng kape tuwing umaga ngunit lumalamig lamang iyon nang ni hindi man lamang nito tinitikman kasama ng mga niluluto niyang pagkain. May pait sa mga labing napangiti siya. Never niyang naisip na nagawa nitong isapalaran ang buhay para lamang mailigtas silang magkapatid sa kumindnap sa kanila.

Dinala niya sa salas ang kape. Hinigop iyon ni Genis saka napangiti, “Namiss ko ang kapeng ito,” halos paanas lamang na sab