Kabanata 69: Unexpected

HINDI mapigilan ni Tallulah ang luhang pumapatak sa kaniyang mga mata. Masakit para sa kaniya ang saktan si Kendrick dahil alam niya kung gaano siya nito kamahal pero alam din niya na ito ang mas tamang gawin, palayain ang isa't isa.

Naramdaman na lang niya ang pagyakap ni Caroline habang nakatayo siya sa tapat ng bintana.

"Kung sa tingin mo ito ang tamang desisyon, nandito lang ako para suportahan ka. You can cry, pwede kang magsalita hanggang nandiyan ang sakit sa puso mo."

"Ang sakit-sakit! H-hindi ko alam kung ano'ng tama sa desisyong ginawa ko dahil nasasaktan ako. Ang sakit na ako mismo ang dahilan kung bakit sila nasasaktan. Hindi ko gusto iyon. Ayaw ko silang saktan," patuloy niya sa pag-iyak.

"I know, Tali. Alam kong hindi mo sila gustong saktan pero kahit ano'ng desisyon ang gawin mo, may masasaktan, hindi dahil ginusto mo pero 'yon ang resulta ng lahat at wala tayong magagawa roon."

Napahagulhol na lang siya habang nakayakap sa kaniyang ina. Wala siyang magawa kung 'di