"May binabang utos ang management na hindi tayo pwedeng gumawa ng kahit anong balita tungkol kay Ling Yiran," sagot ng editor. "Utos ba 'to ng mga Xiao?" Gulat na gulat na tanong ni Li Xinzheng. Hindi niya talaga maintindihan kung anong nangyayari. Noong gumawa siya ng article na ikakasira ni Hao Yimeng, pumayag ang editor pero ngayon na kasiraan ni Ling Yiran, hindi pwede?! "Hindi galing sa mga Xiao. Wag ka na maraming tanong. Basta wag na wag kang magkakamali na maglabas ng balita tungkol kay Ling Yiran dahil hindi lang ikaw ang malilintikan kung sakali, kasi pati ako madadamay," Sagot ng editor. Sa sobrang gulat, halos lumuwa na ang mga mata ni Li Xinzheng. Anong sabi ng editor....bakit parang ang OA naman na aabot talaga sa may mawawalan ng trabaho? "Ling Yiran...sanitation worker lang naman siya diba? Sino namang gustong prumotekta sakanya?" "Masyado ka pang bata. Sa mundong 'to, marami talagang nangyayari na hindi natin inaakalang posible palang mangyari," sagot ng edit
Pero base sa mga mata Yi Jinli, parang normal na tanong lang ang tinanong niya - walang bahid ng kahit anong malisya... 'Uh....Ikaw talaga Jin.... sobrang inosente mo talaga...Alam mo ba kung anong sinasabi mo? Ha ha ha' Hangga't maari, ayaw bigyan ni Ling Yiran ng malisya ang tanong ni 'Jin' kasi masaya siya sa kung anong relasyon ang mayroon sila ngayon at ayaw niyang mawala ito dahil lang sa iba ang interpretasyon niya sa mga sinasabi nito. "Mahal ko naman ang kapatid ko, pero hindi yung ganung klase ng pagmamahal. Magkaiba kasi sila, Jin. Yung tinutukoy ko kasing pagmamahal, yun yung sa hirap at ginhawa, magkasama kami...." Biglang kumunot ang noo ni Yi Jinli at sa isip niya: 'Sa hirap at ginhawa? Bakit parang.... ang sarap kung makakasama kita sa hirap at ginhawa?' 'Teka... Yi Jinli, wag mong sabihing naiinlove ka na kay Ling Yiran?' 'Ha ha ha ha, pero paano nangyari 'yun?' 'Pero... kung sasabihin kong hindi, parang niloloko ko naman ata ang sarili ko...Masaya ako kapa
Sa kalagitnaan ng paguusap, biglang sumulpot si Fang Qianqian at tinignan si Ling Yiran ng mula ulo hanggang paa, "Manang Xu, bakit ka ba nakikipag-usap sakanya? Ex-convict yan! Mamatay tao!" "Qianqian, ano ka ba? Magkakaibigan tayo dito. At nakulong si Yiran kasi hindi siya masyadong nag-ingat...." Hindi pa man din tapos magsalita si Manang Xu ay bigla nanamang humirit si Fang Qianqian, "Pero yang taong yan lang naman ang pumatay kay Hao Meiyu. Manang Xu, kilala mo ba kung sino si Hao Meiyu? Kapatid lang naman siya ni Hao Yimeng! Sabi na eh... kaya naman pala pinaghanap tayong lahat ni Hao Yimeng ng invisible na singsing kasi gusto niyang gumanti sa magaling na Ling Yiran na yan!" "Pero diba nagsorry na siya kasi alam niyang mali siya?" Buwelta ni Manang Xu. Kumunot ng sobra ang noo ni Fang Qianqian dahil hindi siya natutuwa na pinagtatanggol ni Manang Xu si Ling Yiran, lalo na't siya ang nagkalat ng chismis na galing sa kulungan si Ling Yiran. Narinig niya kasi na kausap ni
— Pagkauwi ni Ling Yiran sa apartment niya kinagabihan, sabay silang kumain ng dinner ni Yi Jinli,at habang nasa kalagitnaan ay may biglang kumatok sa pintuan. Kaya nagulat si Ling Yiran. 'Wala namang bumibisita sa akin. Hindi kaya bumalik nanaman ang tatay, stepmother at half sister ko?!!' Pero pagkabukas niya ng pintuan, hindi niya inaasahan na si Guo Xinli ang sasalubong sakanya. Nakasuot ng black na t-shirt si Guo Xinli at medyo namumula ang mukha niya sa sobrang kaba at hiya. Nang makita niya si Ling Yiran, hindi siya mapakali, "A...ano" Pero wala pa man din siyang nasasabi ay biglang sumulpot si Yi Jinli sa tabi nito. Nang makita ni Yi Jinli ang lalaki, tinitigan niya ito ng diretso sa mga mata. 'Kilala ko 'tong lalaking 'to ah. Diba siya yung katrabaho ni Ling Yiran sa Sanitation Service Center na may gusto sakanya?' "Bakit ka nandito? May kailangan ka ba sa ate ko?" Tanong ni Yi Jinli. "A...aa... may kailangan kasi akong sabihin kay Ling Yiran, pero walang ibang
"Ate, wag mong sabihing gusto mo na rin siya dahil lang sa sinabi niya sayo?" Muling bulong ni Yi Jinli. Hindi niya rin sigurado kung tama ba ang nararamdaman niya, pero parang... nagseselos siya. Sa sobrang lapit nila, pakiramdam ni Ling Yiran ay hindi gumagana ang utak niya at hindi niya alam kung anong isasagot sa mga tanong ni 'Jin'. 'Bakit pakiramdam ko hindi ako pwedeng magkamali ng sagot kasi kung mangyayari yun, may biglang aatakeng halimaw sa leeg ko.' 'Diyos ko, ano ba 'tong naiisip ko?!' Natawa nalang din si Ling Yiran sa mga naiisip niya. 'Ha ha ha, ano ka ba Yiran, si 'Jin' yan. Hindi siya halimaw, okay?' "Hindi ko gusto si Guo Xinli, kaya nga naawa ako sakanya kasi alam ko namang hindi ko masusuklian ang feelings niya," Sagot ni Ling Yiran matapos ang matagal na pananahimik. Sobrang natuwa si Yi Jinli sa naging sagot ni Ling Yiran kaya nakangiti siyang nagtanong ulit, "Ate, sigurado ka bang hindi mo gusto yung lalaking 'yun?" "Bakit naman ako magsisinungaling
"Kaya hirap na hirap po akong maghanap ng trabaho, at hindi naman pwedeng hindi ako magtrabaho kasi kailangan kong magbayad ng renta, kuryente at kumain." "Pero hindi naman pwedeng habang buhay ka nalang dito. Paano ka makakapag-asawa niyan?!" Siguro dahil na rin sa edad ni Manang Xu, sobrang importante para sakanya ang pag-aasawa ng isang babae. "Mukhang tanggap naman ni Guo ang nakaraan mo. Ayaw mo ba talaga sakanya? Bibihira nalang ang mga kagaya niya." "Wala po talaga kaming pag-asa." "Yiran, magpaka totoo ka nga sa akin...Nababaan ka ba kay Guo kasi driver lang siya kasi yung ex mo ay..." Nag-aalangang tanong ni Manang Xu. "Manang Xu! Hindi ko po yan iniisip....Marami na po kasi akong pinagdaanan at wala po talaga akong panahong mainlove sa ngayon." "Hay nako, ikaw talagang bata ka!" Nagbuntong hininga si Manang Xu."Alam mo, ang akin lang naman kasi ay kapag hindi ka nag-asawa .... baka hindi mo pa narerealize sa ngayon pero kapag tumanda ka at wala kang mga anak....sigu
Noong araw na 'yun, pauwi na sana siya nang makita niya si Ling Yiran na nakaupo sa gilid ng kalsada. May pinapatahan itong batang babae. Nakita niyang kumanta, tumalon, at kung anu-ano pang ginawa nito para lang tumahan ang bata, na para bang wala itong pakielam kahit pagtinginan pa ito ng ibang tao. At tagumpay nga nitong napatahan ang bata! Pagkatapos, bumili ito ng tinapay para makakain muna ang bata bago nito dalhin ito sa police station, kung saan naghintay ito ng matagal hanggang sa dumating ang mga magulang nito. Nakita niya rin na sinubukang bigyan ng mga magulang ng bata si Ling Yiran ng pera bilang pasasalamat, pero ngumiti lang ito at umiling. Pagkaalis ng bata, kasama ang mga magulang nito, nakatingin lang si Ling Yiran sa pamilya habang naglalakad palayo, na masayang nakangiti. Kaya noong oras na yun, sinabi niya sa sarili niya na ang kagaya ni Ling Yiran ang gusto niyang mapangasawa. Hindi niya alam kung love at first sight ba ang tawag 'dun pero yun ang una
"Ah.... habang pinapaasa mo si Guo Xinli, may iba ka pa palang kalandian! Ibang klase ka talaga!" Sabi ni Fang Qianqian na biglang sumulpot kung saan. Natatawa nalang si Ling Yiran sa kababawan ni Fang Qianqian. 'Hay nako, hindi talaga naubusan ang mundo ng mga taong kagaya nito.' Lumingon si Yi Jinli at tinignan ang papansin at mukhang cheap na babaeng nakatayo sa likod nila. Samantalang si Fang Qianqian naman ay halos lumuwa na ang mga mata sa sobrang gulat. 'Sobrang gwapo niya... Artista ba 'to?' 'Kahit na natatakpan na ng buhok niya ang mukha niya, sobrang lakas ng dating niya!!! Siguro kapag binago niya ang hairstyle at magsuot lang siya ng mas maayos na damit, siguradong walang wala yang mga sikat na artista na yan!!!' Pero dahil din dito, lalo pang nainggit si Fang Qianqian kay Ling Yiran. 'Bakit ba palagi nalang kay Ling Yiran napupunta ang lahat ng magaganda? Siya na ang gusto ni Guo tapos ngayon may sumundo pa sakanyang sobrang gwapong lalaki?!!!' "Kaibigan ka ba